【教友有問題】「煉靈月」要做咩？

孫仔： 爺爺，點解聖堂貼哂咁多叔叔姨姨嘅黑白相？點解神父又叫我哋响11月要為佢哋祈禱？ 

爺爺：乖孫，呢班係走咗嘅教友，因為11月係「煉靈月」， 我哋特別要為煉靈祈禱。因為有「諸聖相通功」吖嘛： 在生嘅人祈禱，係可以幫到走咗嘅教友早日同天主共融㗎。

孫仔：咁點解枱面有本簿？係咪比我寫願望㗎？可唔可以要求嫲嫲買零食呀！ 

爺爺：你可唔可以食少陣。本簿係比我哋寫已亡親友嘅姓名，然後為佢哋祈禱嘅。

孫仔：咁隔離支電子蠟燭又做乜㗎？唔通人死咗會怕黑？⋯⋯ 

爺爺：蠟燭係祈禱工具，亦可以代表信仰同復活嘅光。响我嗰個年代，堂區比我哋貼「神花」紙添，個意思係一樣，都係代表大家都有祈禱。

孫仔：爺爺，咁你有冇為嫲嫲祈禱呀？ 

爺爺：梗係有啦，而家我哋點支蠟燭一齊唸玫瑰經啦。我就求你嫲嫲幫我哋轉禱，等你快高長大。咁你呢？ 

孫仔：我唔駛求嫲嫲喇，爺爺你而家買零食比我就得喇。

 （煉靈月相關資訊見 印刷版 10-11版）

  
捐款支持公教報  http://kkp.org.hk/donation