【教友有問題】點解神父著粉紅色祭衣？
期數
4008
刊登日期
2020.12.11
作者
阿公
主曆
主曆 2020 年 12 月 13 日 將臨期第三主日
阿仔： 冇得去彌撒呀，世界末日呀！「喜樂主日」冇哂喜樂呀！
爸爸： 你驚咩呀？教區網站（https://catholic.org.hk/）同堂區臉書都會直播網上彌撒，你當自己返咗聖堂，亦當神父响你前面，你恭恭敬敬開部電腦參禮，啲喜樂自然會返哂嚟㗎喇。
阿仔： 老豆！點解神父會著件粉紅色祭衣？我哋男仔嚟㗎嘛，著粉紅色！
爸爸： 好彩而家喺屋企冇其他教友，否則俾人聽到唔嚇死都笑死。神父喺將臨期第3主日，即係今個主日會著粉紅色嘅祭衣， 去預示聖誕嘅歡樂㗎。
阿仔： 既然粉紅色咁好，點解神父唔會每個主日都著呢？
爸爸： 粉紅色祭衣都可以喺四旬期第四主日著，去迎接復活節。其實祭衣顏色會因應節期改變，將臨期一般係紫色，代表懺悔，聖誕節可以著白色或金色；而之後嘅常年期多數係綠色，代表希望。
阿仔： 咁今年聖誕節可唔可以同著金色袍嘅神父一齊參加彌撒呢？
爸爸： 可惜冇人可以答到你。我哋呢排專心參與網上彌撒，一齊為疫情祈禱先啦。
捐款支持公教報 http://kkp.org.hk/donation
