【教友有問題】代父母要做乜？
期數
4021
刊登日期
2021.03.12
作者
阿公
主曆
主曆 2021 年 03 月 14 日 四旬期第四主日
侄仔： 二叔，我最近應承咗做咗人代父呀！你話我買咩禮物賀我「契仔」領洗好呢？
二叔： 做代父母唔係俾教友乘機收契仔契女呀，而係要幫新教友融入教會生活， 鼓勵佢哋幫助佢哋堅定信德㗎！（參教理1255）
侄仔： 係嘅二叔。咁我送本靈修書俾代仔睇，等佢見書如見我。因為大家唔知幾時可以再見喇。
二叔： 你真係要好好學吓點做人代父先。做代父母唔係只為咗滿全入門聖事嘅要求，更要响信仰路上陪伴同指導代仔代女呢。當年我代仔上完主日學，我就帶佢參加聖母軍喇。教你代仔嗰位慕道團導師，咪就係我代仔囉！
侄仔： 你代仔真係學哂二叔你啲好嘢。等我都諗吓帶代仔參加咩善會先！
二叔： 你主日唔再賴床，準時帶代仔去望彌撒，唔好俾代仔學到你咁成日遲到，我就心滿意足喇！
侄仔： 四旬期嘛，我會改咗呢個壞習慣，生生性性做代父㗎喇。
捐款支持公教報 http://kkp.org.hk/donation
