【耆年Easy活】打工難，退休更難（下）〔作者︰慕容蓮〕

如果說 Marianne 是職場小白兔，那麼 Maria 就是職場小魔女了，她本身已經特別叻女，再加上畢業後，當我們一個二個走去apply AO、EO或大公司trainee時，她竟然走了去賣樓，當年大學畢業生怎會做sales ！但就是這樣把她打造成一個世故而挑通眼眉之人，我們遇上任何奇難雜症均會去問 Maria，這次凑孫事件也不例外！ 

飯後，在 Maria 的指導下，Marianne 向她的兒子提出三個要求：一、要求孫仔送去她的家裡住，因為太嫲可以幫手睇及家中有家務助理；二、只照顧星期一至星期五，晚上如 Marianne 有約會，仔或新抱要安排回家看顧；三、要求三萬元家用！ 

與親家及新抱一輪拉鋸，Marianne 每星期一、三、五會帶同阿媽去兒子家裡凑孫，除特別情況外六點半離開；另外的三天由對方家長負責。每個月交通費一萬元。

這個結果與 Maria 所設計的唯一出入是那筆交通費。最初叫價三萬是知道新抱也大概只有這個收入，希望嚇走她的！怎知當對方家長知道Marianne要求家用，竟然願意收一萬元凑兩天，四捨五入之下同意一萬元凑三天，既然對方收錢，Marianne 沒有理由免費！ 

「阿親家其實唔係等錢洗，本來亦冇諗住凑，只係想嚟幫個女壓下我個價，但係我就聽哂Maria講，敵不動我不動，佢唔降低要求，我就唔俾反應，總之一於要跟Maria個講法，唔係就咪旨意我會退讓！ 

「後尾我見都傾咗一排仲冇進展，諗住算喇，個孫始終係自己既，咁我都要安慰下我自己㗎，咁咪順口加多句：算喇，第時個孫同我親尐都好！ 

「嘩，對方聽到，成個好似俾雷劈咁！於是重上談判桌，結果咪個個月多一萬蚊洗囉！」

慶功宴上Marianne非常感激Maria ！但Maria說如果她一直死撐而沒有心軟，也得不出這個結果，所以結論都是那句，任何心計都戰勝不了真愛！（六） 

• 慕容蓮，剛退休人士。

  
捐款支持公教報  http://kkp.org.hk/donation