【教友有問題】乜嘢係聖召？
期數
4027
刊登日期
2021.04.23
作者
阿公
主曆
主曆 2021 年 04 月 25 日 復活期第四主日
阿仔： 老竇，老竇！到底乜嘢係聖召呀？點解堂區啲人成日話要為下一代嘅聖召祈禱呢？
爸爸： 天主對每個人都有獨特嘅計劃，而神父嘅聖召，就係藉住聖秩領受聖神嘅恩寵，去傳教同埋牧民。我們上一代作為爸爸媽媽嘅責任就大囉，要俾仔女認識信仰，投入堂區，咁樣先容易啲聽到天主嘅召叫。
阿仔： 咁老竇你有冇為我嘅聖召祈禱呀？聽講又分教區或修會嘅神父······
爸爸： 我為哂堂區所有青年嘅聖召祈禱！唔一定係我個仔入 修院吖。教區神父多數服務堂區；修會會士，首先受召以「聖願」形式過「福音勸諭」嘅生活，再按修會嘅需要同神恩去晉鐸，有時都會服務堂區㗎。你可以多啲 接觸佢哋，慢慢去認識。
阿仔： 老竇，我相信天主有聽你祈禱呀。我計劃遲啲入修院， 你同媽咪唔駛掛住我㗎！
爸爸： 聖召係要辨別㗎，仲要聽神師建議，唔係你話入就入嘅？
阿仔：明嘅，而且你哋可以放心，我會諗清楚第日點樣照顧你同阿媽，等你哋都放心俾自己個仔去回應聖召吖嘛！
捐款支持公教報 http://kkp.org.hk/donation
