【耆年Easy活】情何以堪（下）〔作者︰慕容蓮〕

上文提到，Marianne 跟我在蘭桂坊撞上了明月的丈夫貌似出軌，我倆 「義憤填胸」要向明月揭發時，職場小魔女 Maria 叫我們收聲，可 Marianne 堅持要見明月！ 

在文華的 Clipper Lounge，明月已到，而遠遠的一枱竟坐著她的丈夫與兒子！「我老公話都好耐冇嚟呢度坐，咁啱今日得閑，所以同我一齊嚟。點知半路又走去公司兜埋個仔，我睇佢有尐嘢同個仔講就真！」

「你老公對你幾好喎！」Marianne 直入試探。

「佢最叻氹人，有時想發火都發唔得耐！個孫下個月都一歲，幾十年，算係咁喇！」明月滿面幸福的說。

「你老公咁有錢又咁型，你驚唔驚佢外面有第二個。」Marianne 似乎唔打算放下她的 agenda！ 

明月定睛望了望 Marianne，笑笑說：「你以為老公冇錢就唔使驚？而且邊對夫妻可以做到真係一帆風順！一係外人唔知， 一係對方唔知，你話我老公有冇？我知嘅就冇！」明顯避談。

之後大家繼續傾偈八卦，講購物，談妨疫，如此這般就過了兩小時！明月的兒子過來跟我們說再見，神情落漠。

「又話個仔尐乜嘢呀！」明月睥睨丈夫，嬌俏地審問！她的丈夫一臉笑意的望著她，說：「冇，傾下公司尐嘢，邊敢話你個仔！」接著同我們一一道別就離開了。之後我們也散了。

明月對她丈夫外面的情況所知幾許，我不知道，但她的丈夫望她的眼神充滿愛意，這個假不了！正如明月說「邊對夫妻可以做到真係一帆風順！不都在跌跌踫踫中成長、在互諒互信中成全！ 

雖說有圖有真相，但圖片又可以反映幾成真相！還是職場小魔女 Maria 說得好：「唔好講」！我同意，但不是她所說的那一堆很功利的原因。而是當初選擇了同行，便不可放棄，外面那一大堆所謂「人生訓練員」對小學生所教的也不過是永不放棄，何況婚姻關係！ 

雖說雨過天青，地上仍充滿泥濘，但合力打掃，自家庭園，仍然是最值得窩的。（九） 

• 慕容蓮，剛退休人士。

  
捐款支持公教報  http://kkp.org.hk/donation