【耆年Easy活】忘了，忘不了（上）〔作者︰慕容蓮〕

最初還以為是甜蜜溫馨，後來才知道是無可奈何！ 

Marianne 與舊同事約了晚飯，席間她的前秘書談到新老闆。

「個新老闆我懷疑佢有病呀！成日走出嚟追問我做乜又亂咁俾嘢佢！大佬呀，交嘢慢又話慢，快又話快，而家仲話我亂俾嘢佢，呢份工真係越嚟越難打呀！」

阿前秘書講完就起身去洗手間。而佢另一位同事在她離開後，就跟 Marianne 說：「但係轉頭佢又喺個電腦度見到佢自己真係 send 咗幾次同一個 Mail 俾佢老闆喎！」

「係唔係個電腦系統出事呀？」

「佢第一件事已經 call IT 喇，但係全世界尐電郵都正常，係佢一個不停咁 send 同一樣嘢俾同一個人，都唔知邊個有病！」

這時候前秘書小姐已返回餐桌，同時她的丈夫又來電，為甚麼說「又」？因為她的丈夫在不及兩小時的晚飯時間內，前後已打了四次電話給她，只見她風風火火的與她丈夫對話，到最後，甚至在大庭廣眾下，高聲向著電話叫她的丈夫不要再打電話給她了，「好煩呀！」

她收線後，我們打趣說，夫妻如此恩愛，實屬難得。

「恩乜鬼呀，煩到震！以前都唔係咁嘅！近呢個幾月就一日幾個追魂 call，搞到我食餐飯都唔安樂！」

「緊張你吖嘛！」

「緊乜鬼，佢有問題就真！係喎，揾日帶佢去見下醫生都好。」

埋單之後，Marianne 竟然又收到她前秘書的丈夫的來電，問餐飯吃完了未，又問她的太太離開了多久！ （十） 

• 慕容蓮，剛退休人士。

  
捐款支持公教報  http://kkp.org.hk/donation