【耆年Easy活】斷捨離（中）〔作者︰慕容蓮〕
期數
4035
刊登日期
2021.06.18
作者
慕容蓮
主曆
主曆 2021 年 06 月 20 日 常年期第十二主日
話說美寶與丈夫住在大學宿舍，二千呎的單位，照計地方寬敞，但因丈夫有買書的習慣，而且只買不棄，而明年又退休了，令美寶非常不安！這也一言驚醒了她的丈夫，知道要解決書本過多的問題。
於是二話不說便捉住丈夫，開始清書大行動。
「呢本工具書唔掉得，係大學一年班用自己錢買嘅第一本書。」咁呢本留喇。
「呢套書唔掉得，係博士班教授送俾我嘅，睇完可以再睇！」你唔係早排至話尐見解有尐過時咩！
「呢套武俠小說，係我中文大進步嘅原因，有意義，唔掉得！」金庸網上都有得睇喇，呢套書又霉又黃！
「呢套叮噹係阿仔細個時同我一齊睇嘅，我諗住留俾個孫，唔掉得。」孫？新抱都未有，你去諗個孫！
「呢套 Harry Potter 我陪阿女由第一本睇到第七本，佢尐英文咁好，都係咁！係阿女要我幫佢 keep 㗎！」阿女博士都考咗喇，喺美國教緊書喇，幾時返香港都唔知！
「老公，你咁樣唔得㗎，你要接受事實，有尐嘢要掉就要掉㗎喇！」
「咁真係唔捨得呀嘛。」
「老公，你要學下斷捨離呀！」（十四）
- 慕容蓮，剛退休人士。
捐款支持公教報 http://kkp.org.hk/donation
