【教友有問題】冇得領聖灰點過四旬期?
期數
4071
刊登日期
2022.02.25
作者
阿公
主曆
主曆 2022 年 02 月 27 日 常年期第八主日
細佬: 阿哥,我哋喺下星期嘅「聖灰禮儀日」唔能夠領聖灰喎,點算呀?可以唔可以「神領聖灰」㗎?
阿哥: 細佬,堂區神父話無神領聖灰㗎。四旬期我哋要悔改同皈依,反省自己嘅罪過,以愛心行善,幫助近人。我哋又可以守齋同克己,虔誠咁迎接基督復活。
細佬: 克己要做啲乜㗎?係咪要好刻苦㗎?
阿哥: 細佬你諗多咗喇,克己可以係一啲犧牲或奉獻,例如減少打遊戲機嘅時間,多啲留意身邊嘅人有咩需要,提供幫助。
細佬: 好簡單啫!
阿哥: 細佬你不妨謙虛啲,睇吓教會嘅四旬期資訊先。
細佬: 咁可以喺邊度睇呢啲靈修同愛德資訊?
阿哥: 我介紹你睇「天主教四旬期運動」網站,入面有好多靈修建議;遲啲公教報都會刊登四旬期苦路嘅默想主題,教我哋克己同祈禱!
細佬: 但係我細過你喎,有冇啱我年紀睇嘅四旬期資訊呀?
阿哥: 咁你快啲揭去喜樂少年中間大頁,跟住個四旬期曆日日去做愛德服務喇!
•「天主教四旬期運動」網站:
https://lenten.catholic.org.hk
捐款支持公教報 http://kkp.org.hk/donation
廣告